हेटौडाको कर्रा खोलाले ट्रक बगायो, चालक सकुशल

मकवानपुरको हेटौंडा १७ हटियास्थित कर्रा खोलामा आएको बाढीले आज बिहान खाली १२ चक्के ट्रक बगाएको छ। सिमेन्ट फ्याक्ट्रीबाट ढुंगा अनलोड गरी फर्किंदै गरेको ना ७ ख ७६५ नम्बरको ट्रक बग्दा चालक चितवन रत्ननगर–१३ निवासी ३४ वर्षीय दीपक थिङ पौडिएर सकुशल बाहिर निस्किएका हुन्।

उनको खुट्टामा सामान्य चोट लागेको छ भने उपचारका लागि चौघडास्थित राजु मेडिकल पठाइएको प्रहरीले जनाएको छ। घटनामा अन्य मानवीय क्षति नभएको र खोलामा रहेको ट्रक निकाल्ने प्रयास भइरहेको छ।