मकवानपुरको बागमती भैसेमा चट्याङ लागेर एकको मृत्यु एक घाइते

मकवानपुरको बागमती गाउँपालिका–१ भैसेमा चट्याङ लाग्दा एक जनाको मृत्यु भएको छ भने एक जना घाइते भएका छन्। मंगलबार साँझ करिब ६:३० बजे हावाहुरीसहित परेको चट्याङले माछा मारेर घर फर्किंदै गरेका ३२ बर्षका अजय पहरी र ३७ बर्षका उज्वल थोकर लाई लागेको थियो।
घाइते थोकरको हेटौडामा उपचार भइरहेको छ भने गम्भीर घाइते पहरीलाई उपचारका लागि लगिएको क्रममा राति ११:२५ बजे चिकित्सकले मृत घोषणा गरेको जिल्ला प्रहरी कार्यालय मकवानपुरले जनाएको छ।