हेटौँडामा मोटरसाइकलको ठक्करबाट एक प्रहरीको मृत्यु

मकवानपुरको हेटौंडा उपमहानगरपालिका वडा ११ मा मोटरसाइकलको ठक्करबाट एक प्रहरी जवानको मृत्यु भएको छ ।
ना ४३ प २२२ मोटरसाइकलले बिहान पिटीमा रहेका डडेलधुरा आलिताल –६ घर भइ प्रदेश प्रहरी गण हेटौँडामा कार्यरत २५ वर्षीय प्रहरी जवान विनोद एडीलाई ठक्कर दिएको थियो ।
मोटरसाइकल अनियन्त्रित भइ पल्टँदा चालक हेटौँडा उपमहानगरपालिका वडा नम्बर–४ हुप्राचौरका ४१ वर्षका लक्ष्मण लामा घाइते भएका हुन् भने विनोदलाई हेटौंडा अस्पतालमा मृत घोषणा गरिएको थियो । घाइते लक्ष्मण लामालाई हेटौंडा अस्पतालमा उपचारपछि चितवन रिफर गरिएको छ । घटनामा प्रहरी जवान नवराज सार्की र विजय खत्री सामान्य घाइते भएको जिल्ला प्रहरी कार्यालय मकवानपुरले जनाएको छ।