सिन्धुली,चैत्र ६ :सिन्धुलीको सुनकोशी गाउँपालिकाको वडा नं. ६ रिठ्ठेमा आगलागी भएको छ। आगलागीबाट चार घर पुर्णरुपमा जलेर नष्ट भएको छ ।
विपी राजमार्ग अन्तरगत पर्ने सेतीदेवी मन्दिर माथिको वनमा लागेको आगो बस्तिमा पुग्दा वडा नम्बर ६ का नरेश आचार्य, नर बहादुर आचार्य, कृष्ण बहादुर कार्की र पवित्रा कार्कीको,सितादेबी आचार्य घर, गोठ जलेर नष्ट भएको हो नजिकै रहेको शुभकामना प्रा.वि. को पुरानो भवन समेत जली क्षति भएको छ
कृष्ण बहादुर कार्कीको घरमा रहेको नगद ७० हजार सहित अन्य घरहरुमा रहेका अन्नपात, लत्ताकपडा जलेको छ।
आगो लागिका कारण अन्दाजी १५ लाख रुपैयाँ क्षति भएको अनुमान गरिएको छ । कमलामाई नगरपालिकाको दमकल, पानी ट्यांकर, सुनकोशी गाउँपालिकाका जनप्रतिनिधिहरु, प्रहरी र स्थानियको सक्रियतामा अहिले आगो लागि नियन्त्रण भैरहेको जिल्ला प्रहरी कार्यालय सिन्धुलीले जनाएको छ।
