हरिहरपुरगढीको झ्याडीमा शिविरको पहिलो दिन १८ जनाको मोतियाबिन्दु शल्यक्रिया

सिन्धुलीको हरिहरपुरगढी गाउँपालिका वडा नम्बर ४ स्थित महेन्द्रझ्याडि स्वास्थ्य चौकीमा सञ्चालन भइरहेको निःशुल्क आँखा र दाँत सम्बन्धी बृहत् शिविरको पहिलो दिन मोतियाबिन्दु भएका १८ जना बृद्धबृद्धाको आँखाको शल्यक्रिया गरिएको छ ।

आज शल्यक्रिया गरिएको १८ जनाको आँखाको पट्टि खोलिएको छ । बर्षौदेखि आँखा नदेखेका मानिसहरुले शल्यक्रिया पश्चात आँखा देखेपछि खुसी भएका छन् ।

शिविरको पहिलो दिन २ सय ४ जनाले आँखाको उपचार गराएका छन् । बिरामीहरुलाई आवश्यक अनुसारको चस्मा तथा औषधी वितरण गरिएको छ । त्यस्तै २ सय जनाले दन्त सम्बन्धी सेवा लिएका छन् ।