मोरङ्गे पहिरो पन्छाई बाटो सुचारु ,घाइते पहरीलाई अध्यक्ष वाईबाको आर्थिक सहयोग

झनझने,कार्तिक ३ :सिन्धुलीको हरिहरपुरगढी गाउँपालिकाको वडा नम्बर -६ स्थित मोरंगे भिरमा खसेको पहिरो हटाइएको छ। बिहिबार कार्तिक १ गते गएको पहिरो पालिका अध्यक्ष बज्रध्वज वाईवा स्वयम् आफ्नै उपस्थितिमा सर्लाही कर्मैया जोड्ने सडक स्थित मोरङ्गे भिरको अवलोकन गरि पहिरो हटाई सडक सुचारु गर्ने काम गरिएको हो ।
बाटो अबरोध हटेपछि मोटरसाईकल ,सुमो लगायतका सवारी साधनका आवागमन सुचारु भएको छ। कार्तिक १ गते सोहि भिरबाट खसेको सुख्खा पहिरोमा परि घाइते भएकी वागमती मोडेल अस्पतालमा उपचाररत वडा नं. २ पर्तानी निवासी सुमित्रा पहरीको अवस्था बुझी शिघ्र स्वास्थ्यलाभको कामना गर्दै थप उपचारका लागि बर्दिबास लानको लागि अध्यक्ष वाईबाले आर्थिक सहयोग समेत गर्नु भएको छ भने उपचारमा कुनै दुविधा र हेल्चेक्राईँ नगर्न आफन्तलाई आग्रह गर्नुभएको छ। घाइते पहरीको दाहिले खुट्टा भाँचिएको छ भने ढाडमा चोट र देब्रे हातमा भाँचिएको छ ।