सिन्धुलीको हरिहरपुरगढीमा गोलि चल्यो ,लागु औषध गाजा सहित एक पक्राउ

सिन्धुली,हरिहरपुरगढी चैत्र १८ :सिन्धुलीको हरिहरपुरगढी -७ भुताहा शिरमा गाजा सहित एक जनालाई प्रहरीले नियन्त्रण गरेको छ।
विषेश सुचनाको आधारमा हिजो चैत्र १७ गते शनिबार प्रहरी गस्ती टोलीले पुर्वबाट पश्चिम तर्फ ४/५ जना व्यक्तिहरुले नाम्लोमा पछाडी ढाडँमा वोकी ल्याउदै गरेको अवस्थामा ४ बोरामा ७७ के.जी.८० ग्राम लागुऔषध (गाँजा) सहित जिल्ला सिन्धुली हरिहरपुरगढी – ७ का २४ बर्षीय विच बहादुर वाईवालाई पक्राउ गरेको हो।
उक्त्त लागुऔषध गाँजा सहित मानिस नियन्त्रणमा लिने क्रममा प्रहरीद्वारा ३०३ राईफलबाट ५ राउण्ड हवाइ फायर गरिएको, मानविय क्षती नभएको,अन्य व्यक्तिहरुको सम्बन्धमा खोज्ज तलास कार्य भईरहेको,बरामद भएको लागु औषध गाँजा र मानिसलाई जिल्ला प्रहरी कार्यालयमा ल्याई आवश्यक अनुसन्धान भईरहेको सिन्धुली जिल्ला प्रहरी प्रवक्ता प्रहरी निरीक्षक केशब कुमार कटवालले बताएका छन।