बागमतीको बोडगाउँमा खहरे खोलाले बोलेरो बगायो

बागमती गाउँपालिकामा खहरे खोलाले बोलेरो गाडी बगाएको छ। शुक्रबार बागमती गाउँपालिका वडा नम्बर १ को गुह्ये खहरे खोलाले बोलेरो गाडी बगाएको हो ।
ना ४ च ९४०९ नम्बरको बोलेरो हेटौंडाबाट सामान बोकेर राइगाउ तर्फ जाँदै गर्दा गुह्ये खोला बिचमा फसेको र दिउँसो ४ बजे परेको अविरल बर्षाका कारण आएको खहरेखोलाले गाडी बगाएको राउगाउ दुग्ध उत्पादक सहकारी संस्थाका सचीव राज कुमार सेन्चुरीले जानकारी दिए ।
खहरे खोलाले बगाएको बोलेरोमा खाना पकाउने ग्यासको सिलिन्डर , दुई ड्रम तेल र अरु किराना पसलको समानहरु रहेको सेन्चुरीले जानकारी गराए। खहरे खोलाले बगाएको बोलेरो गाडीलाई तत्काल बागमती गाउँपालिकाबाट जे सि बि आएर उद्दार गर्ने कार्य भैरहेको छ ।
गाडि चालक जिल्ला मकवानपुर बागमति २ राईगाउ बस्ने गणेश लामा सहित २ जनालाई केही नभएको, गाडि रोड भन्दा ५ मिटर तल खोलामा रहेको जिल्ला प्रहरी कार्यालय मकवानपुरले जनाएको छ।