पेट्रोल,डिजेल, हवाई इन्धनको भाउ बढ्यो

नेपाल आयल निगमले पेट्रोलियम पदार्थको मूल्य बढाएको छ। सोमबार जारी गरेको प्रेस विज्ञप्तिअनुसार आज (मंगलबार) बाट लागू हुने गरी पेट्रोल, डिजेल, मट्टितेल र हवाई इन्धनको मूल्य वृद्धि भएको हो।
निगमका अनुसार पेट्रोलमा प्रतिलिटर ५ रुपैयाँ र डिजेल तथा मट्टितेलमा प्रतिलिटर ४ रुपैयाँ मूल्य बढाइएको छ।
त्यस्तै, आन्तरिक हवाई इन्धनमा प्रतिलिटर ७ रुपैयाँ र अन्तर्राष्ट्रिय हवाई इन्धनमा प्रति किलोलिटर ६० अमेरिकी डलर मूल्य वृद्धि भएको छ।
यो मूल्यवृद्धि अन्तर्राष्ट्रिय बजारमा कच्चा तेलको मूल्यमा भएको वृद्धिका कारण गरिएको निगमले जनाएको छ।