सिन्धुली । सिन्धुलीको दुम्जास्थित कुशेश्वर महादेव परिसरमा अलपत्र परेका संस्कृत गुरुकुलका बटुक र शिक्षकहरूको करिब २४ घण्टापछि उद्धार गरिएको छ ।
सुनकोशी गाउँपालिकास्थित आदिलिङ्ग कुशेश्वर मन्दिर परिसरमा रोशीको बाढी पसेको थियो ।
बाढीले सबैतिरबाट घेरेपछि नदीबीचमा फसेका गुरुकुलका कुशेश्वर गुरुकुलका २८ जना विद्यार्थी र गुरुसहित ३३ जनालाई नेपाली सेनाको हेलिकप्टरबाट शनिवार साँझ उद्धार गरिएको प्रमुख जिल्ला अधिकारी लिला प्रसाद शर्माले माईशिर डटकमलाई जानकारी दिए ।
सुनकोशी गाउँपालिका १ दुम्जामा रहेको कुशेश्वर महादेव गुरुकुलमा अध्ययनरत बटुक र शिक्षक बाढीको बीचमा फसेको प्रजिअ शर्माले बताए ।
मन्दिरको पछाडि सुनकोशी नदी र अगाडी रोशी खोलाको बाढी आएको हुँदा शिक्षक र विद्यार्थी फसेका थिए । अहिले उनीहरुलाई गजुलीदहमा सुरक्षित ठाउँमा राखिएको छ ।
