नेपाल तामाङ घेदुङ हरिहरपुरगढिले ल्होछार कार्यक्रम गर्दै चर्चित सेलो गायक फुल कुमार बम्जनको प्रस्तुती रहने

२०८० माघ २०, शनिबार २२:२९ by मेरोपत्र

सिन्धुलीको हरिहरपुरगढीमा ल्होछार शुभकामना आदान प्रदान तथा सास्कृतिक कार्यक्रम हुने भएको छ । मन्जुश्री सम्बत २८६० औ डुक/मुपुख्री ( ड्रागन बर्ष ) सोनाम ल्होछारको अबसरमा हरिहरपुरगढी-२ श्रीपुर बजारमा नेपाल तामाङ घेदुङ हरिहरपुरगढी समितीले आयोजना गर्ने कार्यक्रम माघ २५ गते बिहान १० बजे हुन लागेको हो । तामाङहरुको बाहुल्यता रहेको पालिकामा बर्सेनि कार्यक्रम हुँदै आइरहेको छ ।

कार्यक्रममा चर्चित तामाङ सेलो गायक फुल कुमार बम्जन र डान्सर सृष्टि घिसिङ तथा स्थानीय कलाकारहरुको बेजोड प्रस्तुती रहनेछ साथै तामाङ भेषभुषा, रहनसहन, सस्कृती प्रस्तुती हुनेछ । कार्यक्रम हरिहरपुरगढी गाउँपालिका प्रमुख बज्रध्वज वाइबाको प्रमुख आतिथ्यतामा हुने आयोजकले जनाएको छ ।