इराकको बग्दादमा टिकटक स्टार ओम फहादको गोलि हानि हत्या

इराकको बग्दादमा टिकटक स्टार ओम फहादलाई आफ्नै घर नजिकै गोलि हानि हत्या गरिएको छ। इराकी टिकटक स्टारलाई पूर्वी बगदादको जायुना जिल्लामा रहेको उनको घर बाहिर रातिको हमलामा गोली हानी हत्या गरिएको हो ।

सीसीटिभी क्यामेरा फुटेजमा आक्रमणलाई कैद गरेको छ, जसमा कालो कपडा र हेलमेट लगाएका एक आक्रमणकारी मोटरसाइकलबाट ओर्लेर, कालो एसयूभी भित्र रहेकी ओम फहादलाई गोली हानेको देखिछ । इराकको गृह मन्त्रालयले हत्या प्रकरणमा अनुसन्धानका लागि एक टिम तयार पारिएको बताएको छ । हालसम्म घटनामा संलग्न रहेका ब्यक्त्तिलाई पक्राउ गरिएको छैन ।