मकवानपुरको मनहरी ८ सिम्पानी स्थिति युनाइटेड बोेर्डिङ स्कुलबाट घर फर्किरहेको विद्यार्थीलाई बाढीले बगाउँदा मृत्यु भएकाे छ ।मंगलबार दिउँसो एक्कासि परेको अत्याधिक बर्षाको कारण मोरङे खोल्चीमा आएको खहरे बाढीले बिद्यालयबाट घर फर्किरहेका २ बालकहरुलाई बगाएको जिल्ला प्रहरी कार्यालय मकवानपुरले बताएको छ । मृत्य हुनेमा सिम्पानस्थित युनाईटेड बोर्डिङ स्कुलमा कक्षा ७ मा अध्ययनरत १४ वर्षीया रन्जिता गुरुङ रहेको छ । उनलाई करिब २ किलो मिटर बगाएको थियो ।
त्यसैगरी महेन्द्र किरण माविमा ८ कक्षामा अध्ययन गर्ने १७ वर्षीय इसान गुरुङलाई पनि खहरेले बगाएर घाइते बनाएको छ । उनको मनहरीस्थित प्राथमिक स्वास्थ्य केन्द्रमा उपचार भइरहेको प्रहरीले जनाएको छ।
