१० मंसिर २०८१ सोमबार /बागमति गाउँपालिका वडा नम्बर ८ शान्तिपुर स्थित जनता माध्यमिक विद्यालयको सामाजिक परीक्षण भेला सम्पन्न भएको छ ।कार्यक्रममा प्रधानाध्यापक दिनेश माझी बहादुरले विद्यालयको प्रगति बिवरण प्रस्तुत गर्नु भएको थियो। त्यस्तै आर्थिक वर्ष २०८०/०८१ मा विभिन्न शिर्षकबाट भएको आम्दानी र खर्च बराबरको ५ करोड ५० लाख ५५ हजार ७ सय ६१ रुपैयाँ २७ पैसा बराबरको वार्षिक आयव्यय शिक्षक लेखापाल फिरोज बिश्वकर्माले प्रस्तुत गर्नु भएको थियो । विद्यालयका शिक्षक अभिभावक संघका अध्यक्ष छाबिलाल चौलागाईंको अध्यक्षतामा भएको कार्यक्रमको प्रमुख अतिथि बागमती गाउँपालिका अध्यक्ष सर्केश घलान हुनु हुन्थ्यो भने बिशेष अतिथिमा जिल्ला समन्वय समिति सदस्य खड्क बहादुर पुलामी ,बागमती गाउँपालिकाको प्रमुख प्रशासकीय अधिकृत ओम बहादुर दर्जी हुनुहुन्थ्यो ।
विद्यालयका शिक्षक एबम साहयक प्रधानाध्यापक राम बहादुर थोकरको स्वागत मन्तव्यसँगै सुरु भएको सो कार्यक्रममा गाउँपालिका अध्यक्ष सर्केश घलान, प्रमुख प्रशासकीय अधिकृत ओम बहादुर दर्जी ,जिल्ला समन्वय समिति सदस्य ,वडा अध्यक्ष ईन्द्रमणि तिमल्सिना , शंकर कुमार पराजुली लगायतले मन्तव्य राख्नु भएको थियो । मन्तव्यको क्रममा गाउँपालिका अध्यक्ष घलानले लगानी अनुसारको परिणाम दिन सक्नु पर्ने बताउनु भयो। सरकार ,अभिभावक लगानी र शिक्षकहरुको मेहनतको प्रतिफल पाउने गरि अगाडी बढ्न अध्यक्ष घलानले सुझाव दिनुभयो। त्यस्तै बागमती गाउँपालिका अधिकृत ओम बहादुर दर्जीले शिक्षकहरुले आफ्नो पेशा प्रती बफादार ,इमानदार र समय सापेक्ष अपग्रेड हुनु पर्ने बताउनु भयो। यसै क्रममा विद्यालयले विषयगत रुपमा उत्कृष्ट शिक्षकहरु सम्मान भएका थिए।
कार्यक्रममा वडा न.८ का अध्यक्ष ईन्द्रमणि तिमल्सिना ,कार्यपालिका सदस्य सुनिता नेगि ,डम्बर बहादुर विश्वकर्मा , वडा न. ७ का वडा सदस्य कनक बहादुर राई,इलाका प्रहरी कार्यलयका प्रतिनिधि राम सरण दुलाल ,जनता माद्यामिक विद्यालयको अध्यक्ष शेर बहादुर राना( छितिज) , एमाले बागमतीका अध्यक्ष नर बहादुर घलान ,नेकपा माओवादी केन्द्र बागमतीका गाउँ कमिटी सदस्य भिम प्रसाद घिमिरे , नेपाल रेडक्रस सोसाइटी फापरवारि उपबारीको सभापति शंकर कुमार पराजुली लगायतका ब्यक्तित्वहरुको आथित्यता संगै अभिभावक र विद्यार्थीहरुको उल्लेखनीय उपस्थिति रहेको थियो।। त्यस्तै कार्यक्रम सन्चालन पुर्ब प्रधानाध्यापक वसन्त राईले गर्नु भएको थियो।
